ऑनलाईन टीम / गांधीनगर :
गुजरातमधील पाटडीमध्ये एक कार आणि ट्रकचा भीषण अपघात झाला. या अपघातात 7 जणांचा जागीच मृत्यू झाला. सुरेंद्रनगर जिल्ह्यातील पोलीस उपअधीक्षक एच पी दोषी यांनी याबाबत माहिती दिली.
ते म्हणाले, मालवण खेरवा जवळील रामापीर मंदिराजवळ हा अपघात झाला. हा अपघात इतका भीषण होता की, ट्रकने इको कारला धडक दिल्याने 7 जणांचा जागीच मृत्यू झाला. या अपघाता वेळी इको कारला आग लागली आणि कार मधील प्रवाशांचा जळून मृत्यू झाला. मृतांमध्ये दोन लहान मुलांचा देखील समावेश असल्याची शक्यता आहे. आगी इतकी भयानक होती की, मृतांमधील महिला आणि पुरुषांची संख्या ओळखणे अवघड आहे.
दरम्यान, हे कुटुंब चोटीला देवीचे दर्शन घेऊन घरी येत होते. त्यावेळी हा अपघात झाला. घटनास्थळी पोलीस तात्काळ पोहोचले आणि त्यांचा तपास सुरू आहे.
