गुजरातमध्ये बॉयलरचा स्फोट

वडोदरा:  गुजरातमधील वडोदरा येथे केमिकल फॅक्टरीमध्ये बॉयलरचा स्फोट होण्याची दुर्घटना शुक्रवारी सकाळी 10 वाजता घडली. या दुर्घटनेत चार कर्मचाऱयांचा मृत्यू झाला, तर 11 जण जखमी झाले. जखमींना रुग्णालयात दाखल करण्यात आले असून दोघांची प्रकृती चिंताजनक आहे. बॉयलरच्या स्फोटाचा आवाज 3 किमी दूरपर्यंत पोहोचला होता. स्फोटाच्या घटनेनंतर बचाव पथक घटनास्थळी दाखल झाले होते. वडोदराच्या मकरपुरा इंडस्ट्रियल इस्टेटमध्ये ही दुर्घटना घडली.