गुगल मॅप दाखविणार ‘हरित मार्ग’

कार अगर दुचाकी वाहनांनी प्रवास करणारे अनेक जण आपल्याला हव्या असणाऱया ठिकाणी जाण्यासाठी गुगल मॅपचा उपयोग करीत आहेत. आता या प्रवाशांना जास्तीत जास्त पर्यावरणस्नेही मार्गाने त्याच्या इच्छित स्थळी नेण्यासाठी गुगलने नवी योजना साकारली आहे. त्यानुसार प्रवाशांना त्यांच्या गंतव्य स्थानी (पोहचण्याचे इच्छित स्थान) जाण्यासाठी सर्वात पर्यावरणस्नेही (इको फेंडली) मार्ग कोणता हे गुगल सुचविणार आहे. गुगलचे मॅपिंग ऍप प्रवाशांना काही मार्गांचा पर्याय सुचविणार आहे. यात पर्यावरणस्नेही मार्गांना प्राधान्य असेल. ही योजना लवकरच लागू केली जाईल, असे सांगण्यात येत आहे.