गुंजीजवळील अपघातात मोटारसायकलस्वार गंभीर

गुंजी : गुंजीजवळ राष्ट्रीय महामार्गावर अवजड वाहनाने ठोकरल्याने दुचाकीस्वार गंभीर जखमी झाल्याची घटना बुधवारी सकाळी घडली. शिवाजी मारुती दळवी रा. भटवाडा असे जखमी झालेल्या दुचाकीस्वाराचे नाव असून ते आपल्या मोटारसायकलवरून गुंजीकडे येत असताना अवजड वाहनाने त्यांच्या मोटारसायकलला पाठीमागून जोराची धडक दिल्याने ते रस्त्यावर कोसळले. त्यामुळे त्यांच्या डोक्मयाला गंभीर दुखापत झाली आहे. तातडीने त्यांना बेळगावच्या इस्पितळात दाखल करण्यात आले असून त्यांची स्थिती गंभीर असल्याचे समजते. शिवाजी दळवी हे हेस्कॉममध्ये बिल कलेक्टरचे काम करतात. त्याकरिता ते भटवाडा या आपल्या गावावरून गुंजीला येत असताना हा अपघात घडला. अपघातानंतर अवजड वाहनचालकाने वाहन सुसाट चालवून पळून जाण्याचा प्रयत्न केला. मात्र घटनास्थळी असलेल्या काही लोकांनी त्याचा पाठलाग करून सावरगाळी गावानजीक अडवून त्याला घटनास्थळी आणले.