उचगाव /वार्ताहर –
करवीर तालुक्यातील गांधीनगर पोलीस ठाण्याचे हद्दीत कोविड – १९ च्या अनुषंगाने विनामास्क तसेच विनाकारण फिरणाऱ्या वाहनांवर धडक कारवाई करण्यात येत आहे. कोरोना नियमांचे उल्लंघन करणाऱ्यांकडून आत्तापर्यंत तीन लाख चार हजार सातशे रुपये दंड व ५९ वाहने जप्त करण्यात आली.
याबाबत गांधीनगर पोलिस ठाण्याचे साहाय्यक पोलिस निरीक्षक दिपक भांडवलकर यांनी माहीती दिली. वाढत्या कोविड महामारीच्या पार्श्वभूमीवर सध्या संचारबंदी व जमावबंदी आहे. विना मास्क, विनाकारण फिरणाऱ्या गाड्या तसेच ठरलेल्या वेळेत बंद न करता चालू असलेली दुकाने, हॉटेल व इतर आस्थापना यांच्यावर पोलिसांनी ग्रामपंचायतीच्या मदतीने दंडात्मक कारवाई करत तीन लाखाच्यावर दंड वसूल केला.
विना मास्क व सोशल डिस्टन्स
८३७ केसेस:- ८३७००/- रु. दंड
ट्रॅफिक (M V act) –
८१५ केसेस १६३०००/- रु. दंड.
दाखल १८८ प्रमाणे -०५
वाहन जप्त=५९
आस्थापना- ६७ केसेस दंड-५८०००
याप्रकारे दंड वसुल केल्यामुळे परिसरात मास्क,सोशल डिस्टन्स तसेच विनाकारण मोटारसायकली फिरविण्याचे प्रमाण कमी येवून कोरोनाला आळा घालण्यात काही अंशी शक्य झाले आहे.
