प्रतिनिधी / गगनबावडा
माजी सरपंच एम.जी.पाटील यांनी गगनबावडा येथील कोरोना सेंटरमधील रुग्णांना साहित्य वाटप करुन माणुसकीचे दर्शन घडविले.
गेल्या आठवडाभर गगनबावडा तालुक्यास मुसळधार पावसाने झोडपले. या काळात मुख्य मार्गावरील झाडे ठिकठिकाणी उन्मळून पडली होती. नदीकाठ पाण्याखाली होता. तब्बल सहा दिवस तालुका अंधारात होता. जनजिवन विस्कळित झाले होते.
गगनबावडा या तालुक्याच्या ठिकाणी हिच परिस्थिती होती. येथील कोरोना सेंटरमध्ये उपचार घेणाऱ्या कोरोनाग्रस्त रुग्णांना चांगलाच फटका बसला. वीज नाही, पाणी नाही, वेळेवर सोय नाही. अशावेळी धुंदवडे येथील माजी सरपंच एम.जी.पाटील यांनी रुग्णांना मोफत साहित्य वाटप केले. यावेळी उपसरपंच यासिन म्हालदार, सर्जेराव पाटील, संभाजी पाटील इत्यादी उपस्थित होते.
