कुरुंदवाड / प्रतिनिधी
खिद्रापूर ता शिरोळ येथे 2019 च्या महापूरात घरपडझड झालेल्या घरांची उभारणीच्या कामात मदत करुन अभिनेता सलमान खान यांनी सामाजिक बांधिलकी जोपासली आहे. असे प्रतिपादन आरोग्य राज्यमंत्री डॉ.राजेंद्र पाटील यड्रावकर यांनी केले.
खिद्रापूर ता.शिरोळ येथील महापुरात पडझड झालेल्या घरांची पुर्नबांधणी करण्यासाठी एलान फौडेशन दिल्ली व अभिनेते सलमान खान यांनी घेतलेल्या 70 घरांच्या पायाभरणी शुभारंभ प्रसंगी अध्यक्षस्थानावरून राज्यमंत्री डॉ. पाटील -यड्रावकर बोलत होते.
जिल्हाधिकारी दौलत देसाई,तहसीलदार डॉ.सौ.अपर्णा मोरे-धुमाळ,पंचायत समितीचे गटविकास अधिकारी शंकर कवितके,पंचायत समिती सभापती सौ.कविता चौगुले,सरपंच हैदरखान मोकाशी आदी प्रमुख उपस्थित होते.
यावेळी बोलताना जिल्हाधिकारी देसाई म्हणाले कर्नाटक आणि महाराष्ट्र राज्याच्या समन्वयामुळे संभाव्य महापुराचा धोका टळला आहे. काही अंशी दिलासा मिळाला आहे. अशातच कोरोणाच्या आपत्तीचा सामना करत असताना नागरिकांनी सोशल डिस्टन्स आणि मास्कचे वापर करून कोरोणाचा धोका टाळावा.सामाजिक बांधिलकी जोपासत सलमान खान आणि फौंडेशनने गावाला दत्तक घेऊन सुरू केलेले कार्य हे कौतुकास्पद आहे.
व्हिडीओ कॉन्फरन्सद्वारे कार्यक्रमात बोलताना एलान फौंडेशचे आकाश कपूर म्हणाले सलमान खान आणि आमच्या फौंडेशनने दत्तक घेतलेल्या घरांचे लवकरच बांधकाम पूर्ण करून ग्रामस्थांच्या हक्काचे घर निर्माण करून देणार असल्याचे सांगितले.
यावेळी प्रतीक चौगुले यांनी मनोगत व्यक्त केले.तर मान्यवरांच्या हस्ते दीपप्रजवलन करण्यात आले.कार्यक्रमाचे स्वागत मियाखान मोकाशी.प्रास्ताविक संतोष जुगळे यांनी केले तर आभार ग्राम विकास अधिकारी म्हालिंग अकीवाटे यांनी मानले.
यावेळी उपसरपंच ललिता काळे,पोलीस पाटील दिपाली पाटील,नगरसेवक जवाहर पाटील,रविकांत कारदगे,हिदायतुला मुजावर,
मंडल अधिकारी विनायक माने तलाठी सुनील बाजारी,पंचायत समिती चौगुले आदी प्रमुख उपस्थित ह
तक्रारीची मानसिकता बदला – मंत्री यड्रावकर
शिरोळ तालुक्यातील महापूराच्या नुकसानी व भरपाईबाबत सतत तहसिल जिल्हाधिकारी कार्यालयाकडे निवेदन मोर्चा आंदोलन सुरु असून त्याबाबत यड्रावकरांनी तीव्र नाराजी व्यक्त केली.तक्रारीची मानसिकता बदला नाहीतर मदतीला कुणीच येणार नाहीत.ज्यांनी मदत केली त्यांची जाणीव तरी ठेवा असे सुनावले.
