पुसेगाव / वार्ताहर :
जिल्ह्याच्या पश्चिमेला पावसाने धुमाकूळ घातला असला तरी पूर्वेला खटाव तालुक्यात मात्र मुसळधार पावसाची आवश्यकता जाणवू लागली आहे. तालुक्यातील नऊ तलावांपैकी सहा तलाव पाण्याविना कोरडेच आहेत तर इतर तीन तलावात थोडाफार पाणीसाठा आहे.
तालुक्याच्या उत्तरभागासह अनेक गावांना वरदान असणाऱ्या नेर तलावात केवळ ३५ टके म्हणजे १४५.१४ दशलक्ष घनफूट, दरुज तलावात १६.९५ दलघफू तर मायणी तलावात ५१.५५ दशलक्ष घनफुट इतका पाणीसाठा आजमितीला झाला आहे. तालुक्यातील सर्व लहान मोठ्या तलावात पाण्याचा मृतसाठा आहे.
तालुक्यातील पाणीसाठवण क्षमता व लघफूट पुढीलप्रमाणे :
दरूज (१०९.८८३) येळीव (७९.९७) शिरसवडी (६८.१३) मायणी (५९.४५) कानकात्रेवाडी (४३.०८) सातेवाडी (३७.३७),डाबेवाडी (२७.२२४) तर पारगाव तलावाची पाणीसाठवण क्षमता ३८.४७ द.ल.घ.फू इतकी आहे सध्या यापैकी केवळ नेर व दरुज तलावात आजमितीला अनुक्रमे ३५ % व १०% एवढाच पाणीसाठा शिल्लक आहे.मात्र टेभू योजनेचे सलग १६ दिवस पाणी आल्याने मायणी तलाव भरला आहे. तर बाकीच्या सर्व तलावात मृतसाठा शिल्लक राहिला असून तलाव कोरडे पडण्याच्या मार्गावर आहेत.
