पेशावर :
पाकिस्तानचे माजी प्रथमश्रेणी क्रिकेटपटू झफर सर्फराज यांचा कोरोना व्हायरसमुळे मृत्यू झाला. पेशावरमधील एका खासगी इस्पितळात मागील तीन दिवसांपासून ते अतिदक्षता विभागात दाखल होते. मृत्यूसमयी ते 50 वर्षांचे होते. पाकिस्तानमधील प्रथमश्रेणी क्रिकेट वर्तुळातील एखाद्या खेळाडूचा कोरोना व्हायरसमुळे मृत्यू झाल्याची ही पहिलीच घटना आहे. 1988 मध्ये पदार्पण करणाऱया सर्फराज यांनी पेशावरतर्फे खेळलेल्या 15 सामन्यात 616 धावांचे योगदान दिले. याशिवाय, 1994 मध्ये निवृत्त होण्यापूर्वी 6 वनडे सामने खेळत त्यात 96 धावा जमवल्या. पुढे 2000 च्या दशकात त्यांनी काही संघांना प्रशिक्षणही दिले होते.
