प्रतिनिधी / वाकरे
साबळेवाडी ( ता.करवीर ) येथे रविवारी पुन्हा एकाचवेळी ६ कोरोना पॉझिटिव्ह रुग्ण आढळले, या व्यक्ती एकाच कुटुंबातील २२ ते ४० या वयोगटातील आहेत. त्यामध्ये ३ महिला व ३ पुरुषांचा समावेश आहे. यापूर्वी येथे एकाचवेळी २३ रुग्ण आढळले होते. या गावात समूह संसर्गाचा धोका कायम आहे.प्रशासनातर्फे उपाययोजना करणे गरजेचे आहे. या गावात एक डॉक्टर तसेच शनिवारी एक महिला पॉझिटिव्ह आढळले आहेत. आत्तापर्यंत या गावातील पॉझिटिव्ह संख्या सुमारे ३० च्या आसपास पोहचली आहे.
