कोल्हापूर \ प्रतिनिधी
कोरोना काळात रेमडेसिवीर इंजेक्शनचा काळाबाजार करणाऱ्या टोळीला स्थानिक गुन्हे अन्वेषण शाखेने जेरबंद केले आहे. याप्रकरणी संशयित योगीराज राजकुमार वाघमारे मूळ राहणार माहोळ, जिल्हा सोलापूर (सध्या रा. न्यू शाहूपुरी सासणे मैदानजवळ) आणि पराग विजयकुमार पाटील (रा. गणेश कॉलनी, कसबा बावडा) या दोघांना अटक केली. त्या दोघांकडून अठरा हजार रुपये दराने विक्री करण्याचा प्रयत्न होत असलेली 11 रेमडेसिवीर इंजेक्शन जप्त करण्यात आली आहेत. या प्रकरणातील त्यांचा आणखी एका साथीदाराचा शोध सुरू असल्याचे पोलिस निरीक्षक तानाजी सावंत यांनी सांगितले.
