गोशिमातर्फे दिला डीप फ्रीज
वार्ताहर / गोकुळ शिरगाव
गोकूळ शिरगाव मॅन्युफक्चर असोसिएशन (गोशिमा) नेहमीच समाजकार्य करणाऱ्या सामाजिक संस्थांच्या पाठीशी खंबीरपणे उभी असते. गोकूळ शिरगाव येथील स्थलांतरित कामगारांसाठी मोफत आरोग्य सेवा पुरविणाऱ्या युवा ग्रामीण विकास संस्थेचे एड्स प्रबोधनाचे कार्य आदर्शवत आहे असे प्रतिपादन गोशिमाचे मानद सचिव मोहन पंडितराव यांनी केले.
गोकूळ शिरगाव ता. करवीर येथील युवा ग्रामीण विकास संस्थेसाठी गोशिमा कार्यालयाकडून सामाजिक बांधिलकी उपक्रमातून मोफत डीप फ्रीज भेट देण्यात आला. या प्रसंगी ते बोलत होते. अध्यक्षस्थानी गोकूळ शिरगाव ग्रामपंचायतीचे लोकनियुक्त सरपंच महादेव पाटील होते.
यावेळी सरपंच महादेव पाटील म्हणाले की, युवा संस्थेने समाजासाठी समाजमन जपले आहे. या संस्थेचे कार्य प्रेरणादायी आहे. कामगारांसाठी मोफत एचआयव्ही / एड्स, गप्तरोग, क्षयरोग जनजागृती करणार्या संस्थेच्या प्रकल्पाला नेहमीच सहकार्य असणार आहे.
या युवा संस्थेचे संचालक मिलिंद ताम्हणकर, गोशिमा व्यवस्थापक कृष्णात सावंत, प्रकल्प संचालक नंदकुमार निर्मळे, दीपाली सातपुते, कौस्तुभ भोसले, हेमंत सूर्यवंशी, पौर्णिमा गुरव, सूरज मांडे, ए.एस कांबळे, यांच्यासह संस्थेचे कर्मचारी उपस्थितीत होते. प्रास्ताविक व आभार प्रकल्प व्यवस्थापक मोहन सातपुते यांनी केले.
