वारणानगर / प्रतिनिधी
बोरपाडळे ता. पन्हाळा येथील डोंगराला लागलेली आग लागली होती. एका शाळेतील शिक्षक व विद्यार्थ्यांनी तब्बल ३ तासानंतर अथक प्रयत्नानी ही आग विझवली. मात्र या आगीत पक्षांची पीले, अंडी व सरपटणारे प्राणी आगीच्या भक्षस्थानी पडले.
शहापूर, मिठारवाडी तलाव पासून संपूर्ण डोंगर गिळंकृत करीत आलेली आग बोरपाडळेच्या डोंगरातून पुढे सरकत असताना अविनाश खडके यांच्या निदर्शनास आली. त्यांनी शाळेतील शिक्षक व विद्यार्थी यांच्या मदतीने तब्बल ३ तासानंतर आग आटोक्यात आणली. गवत कापलेले नसलेने आगीने खूप रौद्र रूप केले होते. आग विझवण्यासाठी अविनाश खडके, शिक्षक आनंदा घारगे, विद्यार्थी शुभम जगदाळे, हर्षल माळी, शुभम जंगम, पारस पाटील, विवेक पाटील, प्रकाश पाटील, पार्थ धुमाळ, प्रथमेश पोवार, पृथ्वीराज सुर्वे, सिध्देश पाटील, प्रतिक जाधव यांनी प्रयत्न केले.
