प्रतिनिधी / सातारा
येथील सातारा पोलीस कवायत मैदानावर पोलिसांसाठी ओपन जिम आणि बॉक्सिंग रिंगचे उदघाटन कोल्हापूर परिक्षेत्राचे विशेष पोलीस महानिरीक्षक मनोजकुमार लोहिया यांच्या हस्ते करण्यात आले. सातारा रनर्स फौंडेशन यांच्या सहकार्यातून ओपन जिम उभारण्यात आली. सातारा पोलिस प्रबोधिनीच्या खेळाडूंसाठी ओपन जिम आणि बॉक्सिंग रिंग खेळाडूंकरिता खुली झाल्याने खेळाडूंमधून नवचैतन्य निर्माण झाले आहे.यावेळी पोलीस अधीक्षक अजय कुमार बन्सल, अप्पर पोलीस अधीक्षक धीरज पाटील, विभागाचे पोलीस अधिकारी श्रीमती आंचल,रितू खोखर स्थानिक गुन्हेचे पोलीस निरीक्षक किशोर धुमाळ यांच्यासह पोलीस अधिकारी उपस्थित होते.
