प्रतिनिधी / चंदगड
तुर्केवाडी गावचे सुपूत्र भारतीय सैन्यातील यशवंत विठ्ठल मोरे यांना ऑर्डिनरी लेफ्टनंन्ट पदी बढती मिळाली आहे. आजच्या २६ जानेवारीच्या प्रजासत्ताक दिनानिमित्त त्यांना मिळालेल्या बढतीमुळे तुर्केवाडी गावासह तालुक्याच्या शिरपेचात अभिमानाचा तुरा रोवला गेला आहे. त्यांच्या या संयमी आणि देशसेवेबद्दल ग्रामस्थांच्यावतीने त्यांचे कौतुक व अभिनंदन केले जात आहे.
यशवंत विठ्ठल मोरे हे १९९२ ला बॉम्बे इंजिनिअरींग मिलीटरी सर्व्हिसेसमध्ये शिपाई पदावर रुजू झाले. तेव्हापासून आजपर्यंत त्यांनी २६ वर्षाची सेवा बजाबली असून शिपाई पदावरून अधिकारी ऑर्डिनरी लेफ्टनंन्ट पदापर्यंत त्यांची बढती झाली आहे. सुरुवातीला शिपाई पदावरून लान्स नायक, नायक, हवालदार, नायक सुभेदार, सुभेदार आणि आता ऑर्डिनरी लेफ्टनंन्ट पदी बढती मिळाली आहे. याबाबत प्रजासत्ताक दिनी त्यांना ही बढती देण्यात आली. त्यांच्या या दिर्घ व संयमी कारकिर्दीला तुर्केवाडी ग्रामस्थांनी शुभेच्छा दिल्या आहेत.
