प्रतिनिधी/कोल्हापूर
जवाहरनगरातील सरनाईक वसाहतीमध्ये सुरु असलेल्या अवैध जुगार अड्डयावर राजारामपुरी पोलिसांनी छापा टाकून १३ जणांना अटक केली. त्यांच्याकडून रोख रक्कम, पाच मोबाईल, तीन दुचाकी व रिक्षा असा ३ लाख १५ हजार रुपयांचा मुद्देमाल जप्त केला आहे. या प्रकरणी राजारामपुरी पोलीस ठाण्यात गुन्हा दाखल झाला आहे.
प्रशांत उदय गायकवाड (वय २६, रा. यादवनगर), नईम अहमद शेख (४९, रा. जवाहरनगर), दत्ता लक्ष्मण हलकली (३६), अझरुद्दीन इशाद मोमीन (३२ रा. बिंदू चौक), रज्जाक आसिफ मोमीन (३२), आरिफ नसिर शेख (२५,बिंदू चौक), जावेद निजाम शेख (३६), सुफीयान सलीम बागवान (२४), इरफान अल्लाउद्दीन मोमीन (३२), राजाराम बाळू शिंदे (४०), इरफान शकील सय्यद (२७), रवि भैरवनाथ बामणे (२६ रा. उद्यमनगर) अशी अटक केलेल्यांची नावे आहेत. हे सर्वजण उघडयावर रिकाम्या जागी पैसे लावून जुगार खेळत होते.
