5 मृत्यू, 134 नवे रूग्ण,144 कोरोनामुक्त, आजरा, गगनबावडा, राधानगरी, शाहूवाडीत नवे रूग्ण निरंक, शहरात मृत्यू नोंद शुन्य, ग्रामीण भागात होम क्वांरटाईन रूग्णांत वाढ
प्रतिनिधी / कोल्हापूर
जिल्ह्यात रविवारी गेल्या 24 तासांत कोरोनाने 5 जणांचा मृत्यू झाला. दिवसभरात 134 नवे रूग्ण आढळले तर 144 जण कोरोनामुक्त झाले. सक्रीय रूग्णसंख्या 1 हजार 340 झाली आहे. कोरोना मृत्यूसह, नव्या रूग्णांत वाढ झाली आहे. शहरात दिवसभरात एकाही कोरोना मृत्यूची नोंद झालेली नाही. आजरा, गगनबावडा, शाहूवाडी, राधानगरी तालुक्यात नवी रूग्ण नोंद शुन्य राहिली. ग्रामीण भागात होम क्वांरटाईन रूग्णांत वाढ झाली आहे. सक्रीय रूग्णांत घट झाली आहे.
जिल्ह्यात रविवारी कोरोनाने 5 जणांचा मृत्यू झाला. यामध्ये मुरगुड, तळसंबळे, पाचगाव, सिंधुदुर्ग आणि बेळगाव जिल्ह्यातील व्यक्तींचा समावेश आहे. आजपर्यत कोरोना बळींची संख्या 5,713 झाली आहे. यात ग्रामीण भागातील 3053, नगरपालिका क्षेत्रात 819, शहरात 1243 तर अन्य 595 आहेत. दिवसभरात 144 जण कोरोनामुक्त झाले. कोरोनामुक्तांची संख्या 1 लाख 97 हजार 526 झाली आहे. गेल्या 24 तासांत 134 नवे रूग्ण आढळले. यामध्ये आजरा 0, भुदरगड 1, चंदगड 3, गडहिंग्लज 8, गगनबावडा 0, हातकणंगले 15, कागल 2, करवीर 21, पन्हाळा 4, राधानगरी 0, शाहूवाडी 0, शिरोळ 12, नगरपालिका क्षेत्रात 24, कोल्हापुरात 39 आहेत.
तसेच परजिल्ह्यातील चौघांचा समावेश आहे. रूग्णसंख्या 2 लाख 4 हजार 579 झाली आहे. कोल्हापुरात दिवसभरात मृत्यूची नोंद निरंक राहिली, तसेच आजरा, गगनबावडा, शाहूवाडी, राधानगरी तालुक्यात नवी रूग्ण नोंद शुन्य राहिली. सद्यस्थितीत शहरात 14 आणि ग्रामीण भागात 406 जण होम कोरोंटाईन आहेत. ग्रामीण भागात होम क्वांरटाईन रूग्णांमध्ये वाढ झाल्याची माहिती आरोग्य विभागातून देण्यात आली.
कोरोना रूग्ण : 134 एकूण : 2,04,579
कोरोनामुक्त : 144 एकूण : 1,97,526
कोरोना मृत्यू : 5 एकूण मृत्यू : 5713
सक्रीय रूग्ण : 1340
