प्रतिनिधी/कोल्हापूर
जिल्ह्यातील कोरोनाचा उद्रेक काही केल्या कमी होताना दिसत नाही. दिवसेंदिवस पॉझिटिव्ह रुग्णांची नव्याने भरच पडत आहे. यामुळे कोल्हापूर वासियांच्या चिंतेत वाढ होत आहे. तर प्रशासन तसेच आरोग्य यंत्रणा संतर्क झाली आहे. आज दुपारी साडेतीन वाजता आणखी 63 पॉझिटिव्ह रुग्णांची भर पडली. त्यामुळे जिल्ह्यात आज सकाळपासून कोरोना पॉझिटिव्ह रुग्णांची संख्या 312 झाली आहे.
आज जिल्ह्यात दुपारपर्यंतच कोरोना रुग्णांच्या संख्येने तीनशेचा टप्पा ओलांडला आहे. यात कोल्हापूर शहर 51, करवीर तालुका 27, हातकणंगले 56, शिरोळ 18, पन्हाळा 24, राधानगरी 19, कागल 27, भुदरगड 14, गडहिग्लज तालुक्यात 2 रुग्ण आढळून आले आहेत.
