कोरोना रूग्णसंख्या 51 हजारांवर, सक्रीय रूग्णसंख्या 337,29 कोरोनामुक्त
प्रतिनिधी / कोल्हापूर
जिल्ह्यात बुधवारी कदमवाडी येथील खासगी हॉस्पिटलमध्ये सांगली जिल्हÎातील येलूर (ता. वाळवा) येथील 86 वर्षीय वृद्धाचा मृत्यू झाला. दिवसभरात कोरोनाचे 46 नवे रूग्ण दिसून आले तर 29 जण कोरोनामुक्त झाले. सक्रीय रूग्णसंख्या 337 वर पोहोचली आहे, अशी माहिती जिल्हा शल्य चिकित्सक डॉ. अनील माळी यांनी दिली. दरम्यान, जिल्ह्यातील एकूण पॉझिटिव्ह रूग्णसंख्या 51 हजारांवर पोहोचली आहे.
जिल्ह्यात बुधवारी कोरोनाने सांगलीतील वृद्धाचा मृत्यू झाला. त्यामुळे बळींची संख्या 1 हजार 752 आहे. यामध्ये ग्रामीण भागातील 853, नगरपालिका क्षेत्रात 349, कोल्हापूर शहरात 389 तर अन्य 161 जणांचा समावेश आहे. दिवसभरात 29 जण कोरोनामुक्त झाले. आजपर्यत कोरोनामुक्तांची संख्या 48 हजार 912 झाली आहे. गेल्या 24 तासांत कोरोनाचे 46 रूग्ण दिसून आले. यामध्ये आजरा 1, भुदरगड 0, चंदगड 0, गडहिंग्लज 0, गगनबावडा 0, हातकणंगले 0, कागल 0, करवीर 4, पन्हाळा 2, राधानगरी 0, शाहूवाडी 0, शिरोळ 1, नगरपालिका क्षेत्रात 6, कोल्हापूर शहरात 26 तर अन्य 6 जणांचा समावेश आहे.
शेंडा पार्क येथील आरटीपीसीआर, सीबीएनएएटी लॅबमधून बुधवारी आलेल्या 899 अहवालापैकी 857 निगेटिव्ह आहेत. ऍन्टीजेन टेस्टचे 117 अहवाल आले. त्यातील 116 निगेटिव्ह आहेत. ट्रुनेट टेस्टचे 236 रिपोर्ट आले. त्यातील 208 निगेटिव्ह आहेत. जिह्यात एकूण पॉझिटिव्ह रूग्ण 51 हजार 1 झाले आहेत. त्यापैकी 48 हजार 912 कोरोनामुक्त झाले आहेत. आजअखेर 337 रुग्ण उपचार घेत आहेत, अशी माहिती डॉ. माळी यांनी दिली.
कोरोना रूग्ण 46 ः एकूण ः 51001
कोरोनामुक्त 29 ः एकूण ः 48912
कोरोना मृत्यू ः 1 ः एकूण मृत्यू ः 1752
सक्रीय रूग्ण ः 337
