प्रतिनिधी / कोल्हापूर
जिल्ह्यात शुक्रवारी कोरोनाचे 43 नवे रूग्ण दिसून आले तर 28 जण कोरोनामुक्त झाले. शुक्रवारी रूग्ण वाढल्याने सक्रीय रूग्णसंख्या 311 वर पोहोचली आहे, अशी माहिती जिल्हा शल्य चिकित्सक डॉ. अनील माळी यांनी दिली.
जिल्ह्यात शुक्रवारी कोरोना बळीची नोंद निरंक राहिली. त्यामुळे बळींची संख्या 1 हजार 749 आहे. यामध्ये ग्रामीण भागातील 853, नगरपालिका क्षेत्रात 349, कोल्हापूर शहरात 389 तर अन्य 158 जणांचा समावेश आहे. दिवसभरात 28 जण कोरोनामुक्त झाले. आजपर्यत कोरोनामुक्तांची संख्या 48 हजार 756 झाली आहे. गेल्या 24 तासांत कोरोनाचे 43 रूग्ण दिसून आले. यामध्ये आजरा 0, भुदरगड 2, चंदगड 0, गडहिंग्लज 6, गगनबावडा 0, हातकणंगले 2, कागल 0, करवीर 3, पन्हाळा 0, राधानगरी 1, शाहूवाडी 1, शिरोळ 0, नगरपालिका क्षेत्रात 5, कोल्हापूर शहरात 17 तर अन्य 6 जणांचा समावेश आहे.
शेंडा पार्क येथील आरटीपीसीआर, सीबीएनएएटी लॅबमधून शुक्रवारी आलेल्या 1322 अहवालापैकी 1272 निगेटिव्ह आहेत. ऍन्टीजेन टेस्टचे 74 अहवाल आले. ते सर्व निगेटिव्ह आहेत. ट्रुनेट टेस्टचे 204 रिपोर्ट आले. त्यातील 173 निगेटिव्ह आहेत. जिह्यात एकूण पॉझिटिव्ह रूग्ण 50 हजार 816 आहेत. त्यापैकी 48 हजार 756 कोरोनामुक्त झाले आहेत. आजअखेर 311 रुग्ण उपचार घेत आहेत, अशी माहिती डॉ. माळी यांनी दिली.
