प्रतिनिधी/कोल्हापूर
जिल्ह्यात दोन दिवसांत कोरोनाने महिलेसह दोघांचा मृत्यू झाला. मंगळवारी इचलकरंजी विठ्ठल पेठ येथील 65 वर्षीय पुरूषाचा कोल्हापुरातील खासगी रूग्णालयात मृत्यू झाला. बुधवारी आजरा कुंभार गल्ली येथील 80 वर्षीय महिलेचा सीपीआर हॉस्पिटलमध्ये मृत्यू झाला. त्यामुळे कोरोना बळींची संख्या 1 हजार 720 झाली आहे. गेल्या 24 तासांत 9 नवे रूग्ण दिसून आले. चौघे कोरोनामुक्त झाले. दिवसभरात 448 जणांची तपासणी केल्याची माहिती जिल्हा शल्य चिकित्सक डॉ. अनील माळी यांनी बुधवारी दिली.
जिल्ह्यात आजपर्यत केरोनाने 1,720 जणांचा मृत्यू झाला. ग्रामीण भागात 848, नगरपालिका क्षेत्रात 348, शहरात 369 तर अन्य 155 जणांचा समावेश आहे. सध्या 54 सक्रीय रूग्ण आहेत. बुधवारी दिवसभरात 448 जणांची तपासणी केली. शेंडा पार्क येथील लॅबमधून बुधवारी 486 जणांचे रिपोर्ट आले. त्यातील 474 निगेटिव्ह आहेत. ऍटिजेंन टेस्टचे 73 रिपोर्ट आले. ते सर्व निगेटिव्ह आहेत. ट्रुनेटचे 96 रिपोर्ट आले, त्यापैकी 89 निगेटिव्ह आहेत. बुधवारी गेल्या 24 तासांत आजरा 0, भुदरगड 0, चंदगड 0, गडहिंग्लज 0, गगनबावडा 0, हातकणंगले 0, कागल 2, करवीर 0, पन्हाळा 0, राधानगरी 0, शाहूवाडी 0, शिरोळ 0, नगरपालिका क्षेत्रात 0, कोल्हापूर शहर 7 व अन्य 0 असे 9 रूग्ण आहेत. दिवसभरात चौघांना डिसचार्ज मिळाल्याने कोरोनामुक्तांची संख्या 48 हजार 100 झाले. नव्या 9 रूग्णांमुळे पॉझिटिव्ह रूग्णसंख्या 49 हजार 874 झाली आहे, अशी माहिती डॉ. माळी यांनी दिली.
पॉझिटिव्ह रूग्ण 17, कोरोनामुक्त 24, कोरोना मृत्यू 2
आजपर्यतचे कोरोना पॉझिटिव्ह रूग्ण : 49 हजार 874
आजपर्यतचे कोरोनामुक्त रूग्ण ः 48 हजार 100
सध्या उपचार घेत असलेले कोरोना रूग्ण ः 54
आजपर्यतचे एकूण कोरोना बळी : 1720
गेल्या 24 तासांत 448 संशयितांची तपासणी
