कोरोना लसनिर्मितीत आता अंबानींचेही नाव

नवी दिल्ली : जगभरात कोरोनाच्या लसीसाठी संशोधन सुरू असतानाच आता लसीबद्दल नवीन माहिती समोर येत आहे. रिलायन्स लाईफ सायन्सेस कंपनीलाही कोरोनाची लस विकसित करण्यासाठी परवानगी मिळाली आहे. मुकेश अंबानी यांच्या रिलायन्स इंडस्ट्रीजचे प्रतिनिधित्व करणारी ही कंपनी कोरोनाची लस तयार करणार आहे. चालू महिन्याच्या अखेरीस या लसीची प्राण्यांवरील वैद्यकपूर्व चाचणी सुरू होणार आहे. सदर औषध रिकॉम्बिनंट प्रोटीनबेस्ड कोविड लस आहे. 2021 च्या पहिल्या 3 महिन्यात या लसीच्या चाचणीचे परिणाम समोर येण्याची शक्मयता आहे.