ऑनलाईन टीम / नवी दिल्ली :
राजधानी दिल्लीत गुरुवारी 4 हजार पेक्षा नव्या कोरोना रुग्णांची नोंद झाली आहे. गुरुवारी मिळालेल्या माहितीनुसार, मागील 24 तासात 3,231 नवे रुग्ण आढळून आले. तर 233 रुग्णांचा मृत्यू झाला. तर 7,831 रूग्णांना डिस्चार्ज देण्यात आला.
आरोग्य विभागाकडून मिळालेल्या माहितीनुसार, दिल्लीतील कोरोना रुग्णांची एकूण संख्या 14 लाख 09 हजार 950 वर पोहोचली आहे. त्यातील 13 लाख 47 हजार 157 रुग्ण आतापर्यंत कोरोनामुक्त झाले आहेत. तर 22,579 जणांचा कोरोनामुळे मृत्यू झाला आहे. मागील काही दिवसांपासून राजधानीत रुग्ण बरे होणाऱ्यांचे प्रमाण अधिक आहे.
सद्य स्थितीत 40 हजार 214 रुग्णांवर उपचार सुरू आहेत. यातील 12,462 रुग्ण रुग्णालयात दाखल आहेत. कोविड केअर केंद्रात 5,685 जण आहेत. तर 23,851 जण होम आयसोलेशनमध्ये आहेत. काल दिवसभरात 58,744 रुग्णांचे नमुने घेण्यात आले. दिल्लीत आतापर्यंत जवळपास 1 कोटी 85 लाख 32 हजार 803 टेस्ट करण्यात आल्या आहेत. यातील 43,914 आरटीपीसीआर टेस्ट आणि 14,830 रैपिड एंटिजेन टेस्ट काल एका दिवसात करण्यात आल्या आहेत. सद्य स्थितीत दिल्लीत 56,833 झोन आहेत.
