ऑनलाईन टीम / देहरादून :
उत्तराखंडात लसीकरणाचे प्रमाण वाढवल्यानंतर कोरोना रुग्ण वाढीचे प्रमाण कमी होताना दिसत आहे. मागील 24 तासात एका रुग्णांचा मृत्यू तर 30 नवीन कोरोना रुग्ण आढळून आले. तर 16 जणांना डिस्चार्ज देण्यात आला आहे.
आरोग्य विभागाकडून मिळालेल्या माहितीनुसार, रविवारी देहरादून जिल्ह्यात 13 रुग्ण आढळले. तर हरिद्वारमध्ये 4, नैनिताल 6, टिहरी 2, उधमसिंह नगर 3, चमोली आणि पौडीमध्ये प्रत्येकी एक एक रुग्ण आढळून आला आहे. तर रुद्रप्रयाग, चंपावत, अल्मोडा, बागेश्वर, पिथोरागड आणि उत्तरकाशीमध्ये एकही रुग्ण आढळून आलेला नाही.
प्रदेशात एकूण रुग्णांची संख्या 96, 687 इतकी आहे. यातील 93,158 रुग्णांची प्रकृती सुधारली असून त्यांना घरी सोडण्यात आले. दरम्यान, प्रदेशात आतापर्यंत 1687 रुग्णांनी आपला जीव गमावला आहे. सद्य स्थितीत रुग्ण बरे होण्याचे प्रमाण 96.35 % इतके आहे.
