युवकांनी संशयिताना कुदलले, दोन जण ताब्यात
प्रतिनिधी/सातारा
साताऱयातील रविवार पेठेत कोरोनाची माहिती घेण्याचा बहाणा करत ज्येष्ठ नागरिकाच्या घरात बंदुकीचा धाक दाखवून दरोडा टाकण्याचा प्रयत्न नागरिकांनी हाणून पाडला. यावेळी एका महिलेसह, दोन चोरटय़ांना पेठेतील सतर्क नागरिकांनी शिताफीने पाठलाग करुन पकडले. सुमारे अर्धा पाऊण तास हा थरार सुरु होता. तोपर्यंत चोरटय़ांना नागरिकांचा बेदम चोप दिला. त्यानंतर पोलीस आल्यावर चोरटय़ांना पोलिसांच्या ताब्यात देण्यात आले.
