प्रतिनिधी / सातारा :
तरडगाव (ता. फलटण) येथे झालेल्या भांडणात चार जणांनी कोयत्याने वार केल्याने दोन जण जखमी झाल्याची घटना दि. 20 रोजी रात्री उशीरा घडली. जखमी झालेल्या दोघांना उपचारासाठी क्रांतिसिंह नाना पाटील जिल्हा सर्वसाधारण रुग्णालयात दाखल करण्यात आले आहे.
पोलिसांनी दिलेली माहिती अशी की, अजय आनंदा ननावरे (वय 25), अमर धनंजय भिसे (वय 23, दोघे रा. तरडगाव) यांची आणि संदीप साळुंखेसह 4 जणांची गावात भांडणे झाली. भांडणाचे पर्यावसन मारामारीत झाले अन् संदीप साळुंखे व त्याच्या मित्रांनी कोयत्याने अजय ननावरे व अमर भिसे यांच्यावर कोयत्याने वार केले. त्यामध्ये ते जखमी झाले. त्यांना उपचारासाठी सुरुवातीला लोणंद प्राथमिक आरोग्य केंद्रात त्यानंतर जिल्हा रुग्णालयात दाखल करण्यात आले असून त्यांच्यावर उपचार सुरु आहेत.
