धामोड/ वार्ताहर
कोल्हापूर जिल्हा माध्यमिक शिक्षण सेवक पतसंस्थेच्या चेअरमनपदी लक्ष्मण तथा बाळ सखाराम डेळेकर यांची बिनविरोध निवड झाली. निवड सभेच्या अध्यक्षस्थानी निवडणूक निर्णय अधिकारी म्हणुन सहाय्यक निबंधक अधिन जिल्हा उपनिबंधक सहकारी संस्था कोल्हापूरचे ए.व्ही.गराडे यांनी काम पाहिले. शाहुपरी कोल्हापूर येथील संस्थेच्या मुख्य कार्यालयात निवड प्रक्रिया संपन्न झाली. यावेळी शिक्षकनेते व कोजिमाशीचे सहकार तज्ञ संचालक दादासाहेब लाड प्रमुख उपस्थित होते.
संस्थेचे चेअरमन कैलास सुतार यांनी राजीनामा दिल्याने रिकाम्या जागी त्यांची निवड करण्यात आली. बाळ डेळकर यांचा या पदासाठी एकमेव अर्ज दाखल झाल्याने त्यांची निवड बिनविरोध जाहीर करण्यात आली. चेअरमनपदासाठी त्यांचे नाव संचालक सदाशिव गणपतराव देसाई यांनी सुचवले तर संचालक अरविंद मारुती किल्लेदार यांनी त्यास अनुमोदन दिले.
स्वागत व प्रास्ताविक शिक्षक नेते दादासाहेब लाड यांनी केले.विषय पत्रिकेचे वाचन मुख्य कार्यकारी अधिकारी अरविंद पाटील यांनी केले.यावेळी नुतन चेअरमन बाळ डेळेकर यांनी सभासदांच्या विश्वासास पात्र राहुन काम केल्याने संचालक पदाच्या कार्यकाळात तिसऱ्यांदा चेअरमनपद भूषविण्याचा मान मिळाला ही अभिमानाची गोष्ट आहे.शिक्षक नेते दादासाहेब लाड व संचालक मंडळ यांनी माझी केलेली बिनविरोध निवड ही संस्थेच्या इतिहासात एक वेगळा आदर्श निर्माण करणारी ठरेल असे काम माझ्या हातून होईल असा विश्वास बोलताना व्यक्त केला .
यावेळी व्हाईस चेअरमन सुभाष पाटील, संचालकांसह उपमुख्यकार्यकारी अधिकारी जयवंत कुरडे, प्रशासन अधिकारी उत्तम कवडे, नितन शिंदे व बाळ डेळेकर यांचे समर्थक मोठ्या संख्येने उपस्थित होते. बाळ डेळेकर यांच्या निवडी नंतर त्यांच्या समर्थकांनी फटाक्यांची आतषबाजी व गुलालाची उधळण करीत आनंद व्यक्त केला. यावेळी नूतन चेअरमन डेळेकर यांचा मान्यवरांच्या हस्ते सत्कार करण्यात आला .आभार व्हाइस चेअरमन सुभाष पाटील यांनी मानले.
