बेंगळूर/प्रतिनिधी
कर्नाटक लोकसेवा आयोग (केपीएससी) गेल्या काही महिन्यांपासून चुकीच्या कारणांमुळे चर्चेत आहे. आयोगामार्फत घेण्यात आलेल्या परीक्षांची प्रश्नपत्रिका लीक होत आहेत. ही समस्या कायमस्वरूपी सोडविण्यासाठी परीक्षांच्या स्वरूपात बदल करण्याचा विचार केला जात आहे.
विधानपरिषदेच्या प्रश्नोत्तराच्या वेळी भाजपचे प्रदीप शेट्टर यांच्या प्रश्नाला उत्तर देताना गृहमंत्री बसवराज बोम्माई यांनी सर्व सुरक्षा असूनही या वेळी या विभागात काम करणाऱ्या एका कर्मचाऱ्यामुळे पेपर फुटला आहे. या कर्मचाऱ्यावर गुन्हा दाखल करण्यात आला आहे.
आयोगाच्या परीक्षांच्या वेळी प्रश्नपत्रिकांच्या सुरक्षेची जबाबदारी जिल्हा प्रशासनावर सोपविण्यात आली आहे. यावर नजर ठेवण्यासाठी अद्ययावत तंत्रज्ञानासह केंद्रीय नियंत्रण कक्ष स्थापित करण्यात आला आहे. जिथे प्रश्नपत्रिका ठेवल्या जातात तेथे सशस्त्र पोलीस चोवीस तास तैनात असतात.
गृहमंत्र्यांच्या या उत्तरादरम्यान सभागृहातील अनेक सदस्यांनी ऑनलाईन परीक्षा घेण्याची मागणी केली. प्रदीप शेट्टर यांनी आयोगामार्फत घेतलेल्या तोंडी परीक्षा रद्द करण्याची मागणी केली. आयोग बरखास्त करावा, अशी मागणी करत अनेक सदस्य आपली कर्तव्ये पार पाडण्यात अयशस्वी ठरले.
