क्रीडा प्रतिनिधी /बेळगाव
केआर शेट्टी स्पोर्ट्स फौंडेशन आयोजित दुसऱया केआर शेट्टी टी-20 क्रिकेट स्पर्धेचे सातवे प्रँचायझी म्हणून प्रवीण कराडे हे लाभले आहेत. बीसीसी मच्छे फौजी ग्रुपच्या नावाने त्यांनी आपला संघ वरील स्पर्धेत उतरविला. यापूर्वी या संघाने बीपीएल, बीसीएल, विमल फौंडेशन, साईराज चषक अशा मोठय़ा स्पर्धांमध्ये सहभाग घेतला आहे. बीसीसी मच्छेतर्फे ग्रामीण भागातील खेळाडूंना प्रोत्साहन व संधी उपलब्ध करून देण्याचे काम संघमालक प्रवीण कराडे यांनी केले आहे. केआर शेट्टी स्पर्धेसाठी बीसीसी मच्छे फौजी ग्रुप या नावाने हा संघ खेळणार आहे. या संघात प्रवीण कराडे, जोतिबा गिलबिले, शतक गुंजाळ, भरत गाडेकर, अमर घाळे, श्रीशैल जाधव, आकाश असलकर, वेंकटेश शिराळकर, दीपक नार्वेकर, विशाल संभाजीचे, राहुल शिंदे, गुरूप्रसाद पोतदार, शिवप्रसाद हिरेमठ, अमेय अडकुरकर, मनोज पाटील, अलीम माडिवाले, विशाल गौरगौंडा, ऋषिकेश रजपूत, सौरभ पाटील आदी खेळाडूंचा सहभाग आहे.
