कुणाल कामरा याचा माफीनाम्यास नकार

नवी दिल्ली : अर्णब गोस्वामी यांना जामीन मंजूर केल्यानंतर केलेल्या ट्विटमुळे अडचणीत सापडलेल्या कॉमेडियन कुणाल कामरा याने माफीनामा किंवा दिलगिरी व्यक्त करण्यास नकार दर्शवल्याचे दिसत आहे. कामरा याच्याविरोधात अवमान खटला दाखल करण्यास अ‍Ÿìर्नी जनरल के. के. वेणुगोपाल यांनी सकारात्मकता दर्शवली आहे. त्यानंतर आपली बाजू मांडताना कुणाल कामरा याने ट्विट करत पुन्हा एकदा उपहासात्मकपणे टीका केली आहे. ट्विटरवर त्याने ‘ना वकील, ना माफी, ना दंड’ एक पोस्ट शेअर केल्यामुळे वादात आणखीनच भर पडण्याची चिन्हे आहेत. ट्विटरवर आपण मांडलेले मत अर्णब गोस्वामी यांच्याशी संबंधित नसून अन्य एका प्रकरणाशी संबंधित असल्याची स्पष्टोक्ती कामरा याने दिली आहे. तसेच माफी मागण्यास नकार दिला असून सर्वोच्च न्यायालयाने इतरांच्या अभिव्यक्ती स्वातंत्र्याच्या मुद्यावर बाळगलेले मौन टीका न करता दुर्लक्षित केले जाऊ शकत नसल्याचे म्हटले आहे.