कुंभोज / प्रतिनिधी
कुंभोज ता. हातकणंगले येथे हातकणंगले-कुंभोज रोडवर असणाऱ्या प्रणव-आदित्य स्पिनिंग मिल शेजारी आळते फाट्यावर इंचलकरंजी येथील बरगाले यांची फोर व्हीलर गाडी वाहन चालकाचा तोल गेल्याने रस्त्यालगत असलेल्या छोट्याशा खड्यात पलटी झाली, सदर अपघातात फोर व्हीलर गाडीचे मोठे नुकसान झाले आहे.
या अपघातात कोणतीही जीवित हानी झाली नसून सदर गाडी महावितरणच्या मोठ्या पोलला धडकल्याने तसेच गाडीत एअरबॅग असल्याने कोणतीही जीवित हानी झाली नाही. या गाडीचा अपघात पाहण्यासाठी सकाळपासून लोकांनी मोठी गर्दी केली होती. अपघात रात्री दहा वाजताच्या सुमारास घडला आहे. अपघाताची नोंद हातकणंगले पोलिसात देणार असल्याचे, तसेच सदर अपघातात कोणतीही जीवितहानी झाली नसल्याचे गाडी मालक बरगाले यांनी सांगितले.
