लाखाचे नुकसान
कुंभोज / प्रतिनिधी
कुंभोज तालुका हातकणंगले येथे वन्य प्राण्यांनी रात्री केलेल्या हल्ल्यात पाच बकऱ्यांच्या पिलांचा मृत्यू झाला असून काही बकरी गंभीररीत्या जखमी झाली आहेत. कुंभोज येथे वारणा नदीकडे जाणाऱ्या माने यांच्या शेतामध्ये संतोष बंडगर यांची बकरी बसवण्यात आली होती. परिणामी काल रात्री बारा वाजताच्या सुमारास काही वन्यप्राण्यांनी लहान बकऱ्यांच्या कळपावर हल्ला करून त्यातील पाच बकऱ्यांचा चावा घेतला, तसेच काही बकऱ्यांना मोठ्या प्रमाणात जखमी केले.
सदर हल्ल्यामध्ये पाच बकरी मयत झाली असून पाच ते सहा बकरी गंभीररित्या जखमी आहेत, परिणामी वन्यप्राण्यांनी केलेल्या हल्ल्यामुळे सदर धनगर समाजातील नागरिकाचे जवळजवळ एक लाख रुपये पर्यंतचे नुकसान झाले असून, हातकणंगले शिरोळ तालुक्यातील गेल्या दोन महिन्यातील हल्ला होण्याची ही पाचवी घटना असल्याचे बोलले जात आहे. परिणामी सदर वन्यप्राण्यांचा बंदोबस्त वनविभागाने तात्काळ करावा अशी मागणी नागरिकांतून होत असून सदर घटनास्थळाचा पंचनामा गावकामगार पोलीस पाटील व वनविभागाच्या अधिकाऱ्यांनी घटनास्थळी येऊन तात्काळ केला.
