माजी आमदार संजय कदम यांचे जाहीर आव्हान
दापोली प्रतिनिधी
भाजपचे माजी खासदार किरीट सोमय्या हे 26 मार्च रोजी दापोली येथील मुरुड किनारी असलेले वादग्रस्त रिसॉर्ट पाडण्यासाठी येत आहेत असे त्यांनी ट्विट द्वारे जाहीर केलेले आहे. त्यांनी 26 तारखेला दापोलीत येऊनच दाखवावे असे खुले आव्हान दापोलीचे माजी आमदार संजय कदम यांनी पत्रकार परिषदेत दिली आहे यामुळे 26 मार्चला काय होणार याकडे सर्वांचे लक्ष लागून राहिले आहे.
माजी खासदार किरीट सोमय्या यांना २६ मार्च रोजी दापोली तालुक्यात रोखण्याचे काम शिवसेना राष्ट्रवादी आघाडीच्या वतीने करण्यात येणार असल्याचे ते यावेळी बोलताना म्हणाले. यामुळे 26 तारखेला किरीट सोमय्या विरुद्ध महाविकासआघाडी असा संघर्ष अटळ असल्याचे बोलले जात आहे.
