किरकोळ कारणावरून दोन जणांना लाकडी दांडक्याने मारहाण

सातारा / प्रतिनिधी

वाई येथील धुंडी विनायक चौकात काल सायकांळी 6 वाजण्याच्या सुमारास गाळ्यात पाणी का येते या कारणावरून दोन जणांना चार जणांनी लाकडी दांडक्याने मारहाणीची घटना घडली.यामध्ये दोन जण जखमी झाले असून या घटनेची नोंद वाई पोलीस ठाण्यात झाली आहे.
वाई पोलिसांनी दिलेली माहिती अशी की, गणेश शंकर दिघे यांनी दिलेल्या फिर्यादीवरून ते व त्यांचा चुलत भाऊ सचिन दिघे या दोघांना दि.28रोजी सायंकाळी 6 वाजता धुंडी विनायक चौकात पालेकर बेकरी समोर मोकळ्या गाळ्यात पाणी का येते या कारणावरून दारूच्या नशेत हणमंत बाबुराव दिघे, सुमित हणमंत दिघे व अलका हणमंत दिघे, .सुप्रिया रणजित दिघे यांनी संगनमत करून लाकडी दांडक्याने व दगडाने मारहाण केली.भांडणे सोडवण्यासाठी आलेल्या .लता व पंकज यांना मारहाण केली.मारहाणीत गणेश आणि सचिन हे दोघे जखमी झाले आहेत.या घटनेची माहिती मिळताच पोलीस निरीक्षक आनंदराव खोबरे यांनी घटनास्थळी भेट दिली., चौघावर भा.द.वि.स.325,324, 323, 506,504, 510,34 नुसार गुन्हा दाखल करण्यात आला असून महिला पोलीस माने या तपास करत आहेत.