प्रतिनिधी / कागल
कागल तालुक्यातील कापशी म्हाद्याळ ग्रामपंचायत निवडणुकीत राष्ट्रवादी काँग्रेसने बाजी मारली आहे. ग्रामविकासमंत्री हसन मुश्रीफ यांच्या गटाला 11 पैकी 9 जागांवर विजय मिळाला आहे. गावातील मुश्रीफ गटाने नेतृत्व करणारे सुर्याजीराव घोरपडे आतापर्यंत पाचवेळा विजयी झाले आहेत.
मुश्रीफ गटाच्या विजयानंतर बेळगाव शिवसेना संघटक दत्ता जाधव यांनी पॅनल प्रमुख सुर्याजीराव घोरपडे यांच्यासह नवनिर्वाचित सदस्यांचा सत्कार केला. यावेळी संपर्क प्रमुख अरविंद नागनुरी, रवि शिंदे, जॉन्सन रॉड्रिक्स यांच्यासह नवनिर्वाचित सदस्य उपस्थित होते.
