प्रतिनिधी / मसुरे:
कोरोनामुळे मालवण तालुक्यातील कांदळगाव येथील आठ ग्रामस्थांचा मृत्यू झाला ही गंभीर बाब होती. पूर्ण वाडीच्यावाडी कोरोनाने संक्रमित होण्याची चिन्हे होती. त्यामुळे ग्रामस्थांची प्रतिकारशक्ती वाढावी, यासाठी प्रयत्न होणे गरजेचे होते. एक लोकप्रतिनिधी म्हणून याबाबत माझ्या बालमोहन विद्यामंदिर, मुंबई येथील वर्ग मित्रांशी संपर्क सुरू असताना ग्रामस्थांना आर्सेनिक अल्बम गोळ्य़ा वाटण्याबाबत निर्णय झाला आणि तब्बल 48 हजार गोळ्य़ांचे वाटप गावात पूर्ण झाल्याची माहिती माजी सभापती उदय परब यांनी दिली.
संपूर्ण गावाचे आरोग्य चांगले राहवे, यासाठी कार्यरत माजी सभापती परब यांना हडी, रेवंडी, सर्जेकोट, कोळंब, महान या गावांनी पंचायत समितीमध्ये नेतृत्व करण्याची संधी दिल्याने या गावातही गोळ्य़ा वाटप करण्याचा मानस असून त्या दृष्टीने पाठपुरावा सुरू आहे. गेल्यावर्षी माजी मुख्यमंत्री तथा खासदार नारायण राणे यांच्या माध्यमातून आर्सेनिक गोळ्य़ा वाटप करण्यात आले होते. परंतु यावर्षी कोरोनाच्या दुसऱया लाटेत मोठा फटका कांदळगावला बसला. परब यांनी मुंबई येथील वर्गमित्रांकडे आर्सेनिक गोळ्य़ा उपलब्ध करण्याबाबत मागणी केली व तब्बल 48 हजार गोळ्य़ांचे वाटप करण्यात आले. सरपंच उमदी उदय परब, उपसरपंच आनंद आयकर, माजी उपसरपंच बाबू राणे, अंगणवाडीसेविका दीपिका बागवे, प्रमोद परब, आशा स्वयंसेविका स्वाती बेलवलकर, यश कांदळकर, आशिष आचरेकर, श्रृतिका कुंभार, प्रज्ञा मेस्त्राr, रणजीत परब, गजानन सुर्वे, सुनील कदम, राज कदम, भास्कर पाताडे, जयेश सुर्वे, मनोज आचरेकर, प्रमोद परब, महेश साळकर, गुंजन सुर्वे, भाऊ गुरव, मंदार सातार्डेकर आदींचे सहकार्य परब यांना लाभले. गोळ्य़ा उपलब्ध होण्यासाठी परब यांचे मित्र योगेंद्र तरे, डॉ. विनय यांच्या माध्यमातून पाठपुरावा करण्यात आला होता.
