बेंगळूर/प्रतिनिधी
दक्षिण कन्नड जिल्ह्यातील दोन नर्सिंग महाविद्यालयातील एकूण २३ नर्सिंग विद्यार्थी कोविड पॉझिटिव्ह असल्याचे आढळले आहे. मंगळवारी आणखी आठ, सोमवारी १५ संसर्गग्रस्त व्यक्तींची पुष्टी झाल्याची माहिती देण्यात आली.
आरोग्य विभागाच्या म्हणण्यानुसार वसतिगृहातील विद्यार्थ्यांना प्रवेश देताना दोन्ही महाविद्यालये प्रमाणित कार्यपद्धती पाळत नाहीत. जिल्हा आरोग्य अधिकारी डॉ.रामचंद्र बी. यांनी दोन्ही महाविद्यालयांना कारणे दाखवा नोटीस बजाल्या आहेत. नियमांनुसार, आरटी-पीसीआर चाचणी अहवाल नकारात्मक असेल तरच विद्यार्थ्यांना प्रवेश घेण्यास परवानगी देण्यात यावी.
प्रवेशाचा काळ तपासणी अहवालात ७२ तासापेक्षा जास्त जुना नसावा. मात्र, कॉलेजांनी नियमांकडे दुर्लक्ष केले. मिळालेल्या माहितीनुसार वसतिगृहात सामाजिक अंतराच्या नियमांचेही उल्लंघन केले गेले. डॉ. रामचंद्र यांनी संसर्ग झालेल्यांमध्ये कोविडची कोणतीही लक्षणे नाहीत. वसतिगृहातच सर्वजण उपचार घेत आहेत.
