बेंगळूर/प्रतिनिधी
कोरोना लसीकरण प्रक्रियेच्या शेवटच्या चाचणीसाठीचा अभ्यास ड्राय रन शनिवारी कर्नाटकातील निवडक पाच जिल्ह्यांमध्ये सुरळीत पार पडला. राज्यात गुलबर्गा शिवमोगा, म्हैसूर, बेळगाव आणि बेंगळूर जिल्ह्यात लसीकरणाचे आयोजन केले होते. प्रत्येक प्राथमिक आरोग्य केंद्र, तालुका आणि जिल्हा रुग्णालयांमधील नियुक्त आरोग्य कर्मचार्यांसह २५ लाभार्थी सहभागी झाले होते.
अधिकाऱ्यांनी दिलेल्या माहितीनुसार कोरोना लसीकरण ड्राय रन कार्यक्रम राज्यातील विविध जिल्ह्यात व्यव्यस्थित रित्या पार पडला.
आरोग्यमंत्री के. सुधाकर यांनी यळहांका येथील सामान्य रूग्णालयाची भेट घेतल्यानंतर जेथे ड्राय रन चालवले होते, प्रोटोकॉलनुसार सर्व काही सुरळीत पार पडले. तसेच लस मिळाल्यावर वास्तविक प्रक्रियेसाठी राज्य तयार असल्याचे सांगितले.
मंत्री सुधाकर यांनी एकदा आम्हाला अधिकृतपणे लस मिळाल्या, तर तशाच पद्धतीचा अवलंब केला जाईल आणि आम्ही एकाच दिवसात जास्तीत जास्त लोकांना लसी देण्याचा प्रयत्न करू, असे ते म्हणाले. या लसीची अंमलबजावणी या महिन्यातच होणे अपेक्षित आहे, असे केंद्रीय मंत्री म्हणाले आहेत. केंद्रीय आरोग्यमंत्र्यांनी आरोग्य केंद्रातील एक कोटी कामगारांना केंद्र लस सुरुवातीला मोफत देईल.
हे केंद्र इतर विभागांना टप्प्या टप्प्यात लस देण्याबाबत मार्गदर्शक सूचना जारी करेल आणि राज्य सरकार ती राबवेल, असेही ते म्हणाले.
राज्यात सुमारे १०० लसीकरण करणारे आणि ३७५ लाभार्थ्यांचा भाग असल्याचे सांगण्यात आले, अशी माहिती अधिकृत सूत्रांनी दिली. आरोग्य विभागाने यापूर्वी जाहीर केले होते की प्रत्येक जिल्ह्यातील तीन सत्रे – एक जिल्हास्तरीय, एक तालुकास्तरीय आणि एक पीएचसी स्तरावरील – कोरडे धाव घेण्यासाठी निवडण्यात आली असून, त्यानंतर अभिप्राय गोळा केला जाईल, असे ते म्हणाले.
