बेंगळूर/प्रतिनिधी
जगभरातील उच्च शास्त्रज्ञांच्या नव्या यादीने भारतातील १,४९४ शास्त्रज्ञांची ओळख पटविली आहे, त्यापैकी १२४ शास्त्रज्ञ कर्नाटकातील आहे. प्रामुख्याने जास्तीत जास्त शास्त्रज्ञ भारतीय विज्ञान संस्था (आयआयएससी), बेंगळूर येथे आहेत.
स्टॅनफोर्ड विद्यापीठातील शास्त्रज्ञांच्या पथकाने ही प्रतिष्ठित यादी तयार केली असून पीएलओएस जीवशास्त्र या जर्नलमध्ये प्रकाशित केली आहे. संपूर्ण यादीमध्ये जगभरातील एक लाखांहून अधिक शास्त्रज्ञ आहेत. त्यांनी किती शोधनिबंध प्रकाशित केले गेले आहेत, तसेच संशोधनाच्या विशिष्ट क्षेत्रात त्यांचे आजीवन योगदान यावर आधारित हि यादी करण्यात अली आहे.
कर्नाटकात या यादीतील ९३ वैज्ञानिक आयआयएससीमध्ये होते. त्याखालोखाल जवाहरलाल नेहरू सेंटर फॉर ऍडव्हान्स्ड सायंटिफिक रिसर्च (जेएनसीएएसआर) येथे सात, नॅशनल सेंटर ऑफ बायोलॉजिकल सायन्सेस (एनसीबीएस) येथे पाच, बेंगळूर विद्यापीठातील प्रत्येकी चार जण. नॅशनल एरोस्पेस लॅबोरेटरीज (एनएएल), नॅनो आणि सॉफ्ट मॅटर सायन्सेस सेंटर (सीएएनएस), वुड सायन्स अँड टेक्नॉलॉजी, मनिपाल अकॅडमी ऑफ हायर सायन्सेस आणि म्हैसूर विद्यापीठातील प्रत्येकी दोन. रमैया इंस्टीट्यूट ऑफ टेक्नॉलॉजी, जेएसएस विज्ञान आणि तंत्रज्ञान विद्यापीठ आणि प्रॅक्सिस बिझनेस स्कूलमधून प्रत्येकी एका वैज्ञानिकांचा समावेश आहे.
आयआयएससीचे प्रख्यात पर्यावरण वैज्ञानिक डॉ. टी. व्ही. रामचंद्र यांनी या यादीमध्ये माहिती दिल्याबद्दल आश्चर्य व्यक्त केले. मला याबद्दल काही कल्पना नव्हती. काही तासांपूर्वीच मला नवी दिल्लीतील एका सहकारी शास्त्रज्ञाने सांगितले होते, डेटाबेस म्हणून ही एक अमूल्य यादी आहे. कारण यामुळे इतर प्रमुख खेळाडू आपापल्या क्षेत्रात कोण आहेत हे शास्त्रज्ञांना पाहू शकतील. त्यांनी गुगल स्पष्टीकरण आणि अन्य ऑनलाइन जर्नल संदर्भ तपासून ही यादी तयार केली असल्याचे स्पष्ट केले.
