बेंगळूर/प्रतिनिधी
कर्नाटकात कोरोनाच्या दुसऱ्या लाटेची तीव्रता कमी झाली असली तरी धोका अद्याप टळलेला नाही. गुरुवारच्या तुलनेत शुक्रवारी कोरोना पॉझिटिव्ह रुग्णांच्या संख्येत किंचित वाढ झाली आहे. राज्यात पूर्ण लॉकडाऊननंतर कोरोनाचा वेग मंदावला आहे. राज्यात सध्या सक्रिय रुग्ण संख्या २४ हजारावर आहे. दरम्यान, राज्यात गेल्या २४ तासात १,७०५ नवीन संक्रमित रुग्ण सापडले आहेत. तर शुक्रवारी २,२४३ रुग्णांनी कोरोनावर विजय मिळविला. तर राज्यात शुक्रवारी ३० रुग्णांचा मृत्यू झाला.
दरम्यान, राज्यात आतापर्यंत एकूण कोरोना रुग्णांची संख्या २८,९१,६९९ लाखावर पोहोचली आहे. तर यापैकी २८,३१,३७७ रुग्ण कोरोनामुक्त झाले आहेत. तसेच आतापर्यंत ३६,३२३ रुग्णांचा मृत्यू झाला आहे. राज्यात सध्या एकूण सक्रिय रुग्णांची संख्या २४,१२७ इतकी आहे.
दरम्यान, राज्यात बेंगळूर शहरी जिल्ह्यात शुक्रवारी कोरोनाचे ४०० पॉझिटिव्ह रुग्ण आढळले. तर ७८१ रुग्ण कोरोनावर मात करत रुग्णालयातून घरी परतले. तसेच कोरोना संक्रमित रुग्णांचा मृत्यू झाला आहे
