बेंगळूर/प्रतिनिधी
कर्नाटकात कोरोना पॉझिटिव्ह रुग्णांच्या संख्येत शनिवारी काही अंशी वाढ झाली आहे. राज्यात शनिवारी १,३२५ जणांना कोरोनाची लागण झाल्याचे निष्पन्न झाले. तर शुक्रवारच्या तुलनेत शनिवारी घरी परतणाऱ्या रुग्णांची संख्या जास्त होती. राज्यातील विविध जिल्ह्यात १,४०० रुग्णांनी कोरोनावर मत करत रुग्णालयातून डिस्चार्ज मिळविला. तसेच राज्यात विविध जिल्ह्यातील कोरोनाने १२ जणांचा बळी घेतला. दरम्यान राज्यात २४,९५९ रुग्ण सध्या उपचारात आहेत. तर आतापर्यंत कोरोनाने ११,८४६ जणांचा बळी गेला आहे.
राज्यात कोरोना बाधितांची संख्या लक्षत घेता सर्वाधिक संख्या बेंगळूर शहरी जिल्ह्यात आहे. शुक्रवारी जिल्ह्यात ६२० जणांना कोरोनाची लागण झाली होती, शनिवारी तरी संख्या वाढून ७०९ वर पोहोचली. तर ७०९ लोक कोरोनावर विजय मिळवत घरी परतले. जिल्ह्यात उपचारात असणाऱ्या रुग्णांची संख्या कमी झाली आहे. जिल्ह्यात सध्या १९,१८५ रुग्ण उपचारात आहेत. शनिवारी जिल्ह्यात कोरोनाने ६ जणांचा मृत्यू झाला आहे. जिल्ह्यात तापर्यंत ४,१७६ जण कोरोनामुळे मृत्य पावले आहेत.
