बेंगळूर/प्रतिनिधी
कर्नाटकचे मुख्यमंत्री बी. एस. येडियुरप्पा यांनी सोमवारी सायंकाळी कर्नाटकमधील ट्रायटन इलेक्ट्रिक वाहनांच्या गुंतवणूकीला पाठिंबा असल्याचे म्हंटले आहे. मुख्यमंत्र्यांनी ट्रायटन इलेक्ट्रिकचे मुख्य कार्यकारी अधिकारी आणि संस्थापक हिमांशु पटेल यांच्याशी आभासी बैठक घेतली.
“कर्नाटक सरकार ट्रायटन इलेक्ट्रिक व्हेइकल्स सारख्या नव्या युगातील कंपनीच्या प्रवेशासाठी खूप उत्सुक आहे . तसेच यासाठी सम्पूर्ण सहकार्य आणि सर्व सोयीसुविधा पुरविला जाईल,” असे मुख्यमंत्री म्हणाले. त्यांनी स्पष्ट केले की रामानगरात ईव्ही क्लस्टर ५०० एकर क्षेत्रावर तयार केले जात आहे. हे एक मजबूत आणि केंद्रित ईव्ही पर्यावरण प्रणाली देईल.
