बेंगळूर/प्रतिनिधी
कर्नाटकात कोरोना सक्रिय रुग्णांची संख्या दररोज कमी होत असल्याने प्रशासनाला मोठा दिलासा मिळाला आहे. तसेच पॉझिटिव्ह रुग्णसंख्येत मोठी घट झाली आहे. राज्यात सध्या सक्रिय रुग्ण संख्या ३५ हजारापेक्षा कमी आहे. राज्यात गेल्या २४ तासात १,३८६ नवीन संक्रमित रुग्णांची नोंद झाली. तर ३,२०४ रुग्ण कोरोनावर मात करत रुग्णालयातून घरी परतले. तर राज्यात सोमवारी ६१ रुग्णांचा मृत्यू झाला. सोमवारी राज्यात सकारात्मकतेचे प्रमाण १.२६ टक्के होता. तसेच राज्यात बेंगळूर शहरी जिल्ह्यात सोमवारी कोरोनाचे ७८४ पॉझिटिव्ह रुग्ण आढळले.
दरम्यान, राज्यात आतापर्यंत एकूण कोरोना रुग्णांची संख्या २८.७२ लाखावर पोहोचली आहे. तर यापैकी २८ लाखाहून अधिक रुग्ण कोरोनामुक्त झाले आहेत. तसेच आतापर्यंत ३५,८९६ रुग्णांचा मृत्यू झाला आहे. राज्यात सध्या एकूण सक्रिय रुग्णांची संख्या ३४,८५८ इतकी आहे.
