उपनिबंधक कार्यालयात मतदार यादीचा कार्यक्रम प्रसिद्ध
उंडाळे / प्रतिनिधी :
कोरोनाच्या प्रादुर्भावामुळे सहकारी संस्थांच्या निवडणुका वेळोवेळी पुढे ढकलण्यात आल्या होत्या. त्यामुळे सहकार क्षेत्रातील विविध सहकारी संस्थांच्या रखडल्या होत्या. या सहकारी संस्थांच्या निवडणुका टप्प्या टप्प्याने घेण्याचे आदेश सहकार निवडणूक प्राधिकरणाने सहकार खात्याला दिल्याने सहकारी संस्थांच्या निवडणुका होण्याचा मार्ग मोकळा झाला आहे. पहिल्या टप्प्यात कराड तालुक्यातील २५ सहकारी संस्थांच्या निवडणुकीचे बिगुल वाजले असून, या संस्थांच्या प्रारूप मतदार यादीचा कार्यक्रम प्रसिध्द केला असल्याची माहिती कराड तालुका उपनिबंधक कार्यालयातून देण्यात आली आहे.
याबाबत मिळालेली अधिक माहिती अशी,सहकार प्राधिकरण यांच्या आदेशाने विविध सहकारी संस्थांच्या निवडणूक कार्यक्रम प्रसिध्द करून निवडणूक घेण्याचे आदेश दिले. या अनुषंगाने एकूण सहा टप्प्यात निवडणूक कार्यक्रम घेण्यात येणार असून पहिल्या टप्प्यात सन २०१९ मध्ये पात्र असलेल्या पण कोव्हिड१९मूळे निवडणुकीस स्थगिती देण्यात आलेल्या अशा सर्व प्रलंबित सहकारी संस्था. यामध्ये तालुक्यातील कालिकादेवी सहकारी पतसंस्था, मंगलमूर्ती नागरी पतसंस्था, श्री महालक्ष्मी पतसंस्था, श्री लक्ष्मीदेवी ग्रामीण पतसंस्था, त्रिमूर्ती ग्रामीण पतसंस्था, स्वा धनाजीराव मोहिते ग्रामीण, वैभवलक्ष्मी ग्रामीण बिगरशेती,पार्वती अर्बन को ऑफ सोसायटी, श्री गोरक्षनाथ ग्रामीण पतसंस्था, गोदडगिरी ग्रामीण पतसंस्था, शेती उत्पन्न बाजार समिती सेवक पतसंस्था, क्रांती महिला ग्रामीण बिगरशेती पतसंस्था, कालवडे बेलवडे उपसाजलसिंचन संस्था, गजानन को ऑफ हौसिंग सोसायटी, सदगुरू बाळूमामा नाविन्यपूर्ण सेवा संस्था, यशराज धान्य व भाजीपाला प्रतवारी व स्वच्छता सेवा संस्था, शेतकरी ग्रोसरी सप्लायर्स सहकारी संस्था, घटनेश्वर पाणी पुरवठा संस्था, सह्याद्री सहकारी पाणी पुरवठा संस्था, कृष्णाई मजूर सहकारी संस्था,आंबामाता मजूर सहकारी संस्था,श्री गुरुदेव दत्त मजूर संस्था,अजिंक्य सेवा पुरविणारा संस्था व सह्याद्री मजूर सहकारी संस्थांचा समावेश आहे. या संस्थांचा प्रारूप मतदार यादीचा कार्यक्रम जाहीर झाला असून प्रारूप मतदार यादी २०/०९/२०२१ हरकती व आक्षेप २०/०९/२०२१ ते २७/०९/२०२१ दु तीन वाजेपर्यंत तर हरकती वर निर्णय ४/१०/२०२१ ला अंतिम मतदार यादी ०५/१०/२०२१ ला प्रसिद्ध करणेत येणार आहे.
दुसऱ्या टप्प्यात न्यायालयीन आदेशान्वेय व प्राधिकृत अधिकारी यांची नियुक्ती असलेल्या सहकारी संस्था .तिसऱ्या टप्प्यात दि ०१/०१/२०२० ते ३१/०३/२०२० या कालावधीत निवडणुकीस पात्र असलेल्या संस्था चौथ्या टप्प्यात ०१/०४/२०२० ते ३०/०६/२०२० पात्र संस्था पाचव्या टप्प्यात दि ०१/०७/२०२० ते ३०/०९/२०२० व सहाव्या टप्प्यात दि ०१/१०/२०२० ते ३१/१२/२०२० या कालावधीमधील पात्र असणाऱ्या सहकारी संस्थांचा समावेश असून पहिल्या टप्प्यातील निवडणुकीसाठी मतदार यादी तयार करण्यासाठी ३१/०८/२०२१ ही अर्हता दिनांक देण्यात आली आहे. सहकार प्राधिकरण आदेशान्वेय सहकारी संस्थांच्या निवडणुका टप्प्या टप्प्याने घेणार असल्याची माहिती संदीप जाधव तालुका निवडणूक अधिकारी तथा उपनिबंधक सहकारी संस्था यांनी दिली.
