कन्नड शब्दकोषतज्ञ प्रा. वेंकटसुब्बय्या यांचे निधन

बेंगळूर : कन्नड भाषेतील शब्दकोशतज्ञ प्रा. जी. वेंकटसुब्बय्या यांचे रविवारी मध्यरात्री 1.15 च्या सुमारास निधन झाले. मृत्यूसमयी ते 108 वर्षांचे होते. आठवडाभरापूर्वी मुत्रपिंड विकारासंबंधी उपचारासाठी त्यांना शांती सर्जिकल हॉस्पिटलमध्ये दाखल करण्यात आले होते. सोमवारी त्यांना डिस्चार्ज देण्यात येणार होता. मात्र, सोमवारी मध्यरात्री प्रकृती अचानक खालावल्याने त्यांचे निधन झाले. सोमवारी दुपारी बेंगळूरच्या चामराजपेठ येथे त्यांच्या पार्थिवावर शासकीय इतमामात अंत्यसंस्कार करण्यात आले. बेंगळूरमधील विजय कॉलेजमध्ये प्राध्यापक, प्राचार्य म्हणूनही त्यांनी काम केले होते. साहित्य विमर्शक, अनुवाद, शब्दकोश रचनेतही त्यांनी उल्लेखनिय योगदान दिले होते.