प्रतिनिधी / उस्मानाबाद
साडे तीन हजार रुपयांची लाच मागणी करून पहिला हप्ता एक हजार रुपये स्विकारल्याने आर. टी. ओ. एजेंट यास लाचलुचपत प्रतिबंधक विभागाकडून अटक करण्यात आली आहे.
तक्रारदार यांचे टू व्हिलर आणि फोर व्हिलर यांचे लायसन्स काढून देण्यासाठी आणि ऑनलाईन परीक्षा पास करून देण्यासाठी खाजगी इसम नामे महंमद उर्फ बाबा हैदरअली शेख, वय 53 वर्ष व्यवसाय आर. टी. ओ एजेंट, रा. बेंबळी ता. ज़ि. उस्मानाबाद यांनी तक्रारदार यांना 3500/- रुपये लाच रकमेची मागणी करून पहिला हप्ता 1000/- रुपये लाच रक्कम समक्ष स्वीकारली. याबाबत पो. स्टे. आनंदनगर उस्मानाबाद , ज़िल्हा उस्मानाबाद येथे गुन्हा नोंदविण्याची प्रक्रिया चालू आहे.
ही कार्यवाही पोलीस अधीक्षक श्री.राहुल खाडे, अपर पोलीस अधीक्षक डॉ. अनिता जमादार ला. प्र.वि.औरंगाबाद, प्रशांत संपते, पोलीस उप अधीक्षक, ला. प्र. वी उस्मानाबाद यांचे मार्गदर्शनाखाली गौरीशंकर पाबळे, पोलीस निरीक्षक, ला. प्र. वी.उस्मानाबाद यांनी केली. या कामी त्यांना पोलीस अंमलदार मधुकर जाधव, विष्णू बेळे, विशाल डोके यांनी मदत केली.
यावेळी कोणताही शासकीय अधिकारी अथवा कर्मचारी, महाराष्ट्र शासनाचे मानधन, अनुदान घेणारी व्यक्ती, खाजगी व्यक्ती शासकीय कामासाठी अथवा शासकीय काम करून दिल्याबद्दल लाचेची मागणी करत असेल तर लाचलुचपत प्रतिबंधक विभाग, उस्मानाबाद येथे सम्पर्क करण्याबाबतचे आवाहन प्रशांत संपते, पो.उप अधीक्षक, ला.प्र.वि. उस्मानाबाद ( मो.नं.९५२७९४३१००) गौरीशंकर पाबळे, पोलीस निरीक्षक, ला. प्रा. वी. उस्मानाबाद ( मो. क्र. 8888813720) अशोक हुलगे, पोलीस निरीक्षक, ला. प्रा. वी. उस्मानाबाद (मो. क्र.8652433397) यांनी केले आहे.
