दोडामार्ग / वार्ताहर:
उसप गावातील जंगलात तीन अस्वले पहावयास मिळाली असून परिसरात कुतूहलासोबत भीतीचेही वातावरण आहे. याबाबत अधिक माहिती अशी की, सागर कळणेकर हा युवक शेतीकामानिमित्त आपल्या शेती बागायतीमध्ये आज सकाळी 10 वाजण्याच्या सुमारास गेला होता. शेतात कामकाज करत असताना त्याला ही तीन अस्वले पहावयास दृष्टीस पडली. त्याने लागलीच आपल्या जवळील मोबाईल मध्ये ही तीन अस्वले कैद केली. या अस्वलांचा विडिओ उसप गाव परिसरासहित तालुक्यात व्हायरल होताच एकच खळबळ उडाली. वनविभागाने या अस्वलांचा शोध घेऊन त्यांच्या अस्तित्वा बाबत भूमिका व्यक्त करण्याची मागणी होते आहे.
