सातारा / प्रतिनिधी :
मॉर्निंग वॉकला गेलेल्या एका वृद्धेचा उरमोडी नदीच्या पुलावरुन पाय घसरल्याने ती पुरात वाहून गेली होती. शनिवारी सायंकाळी तिचा मृतदेह बनगर गावच्या हद्दीत आढळून आला असून, या घटनेची नोंद सातारा तालुका पोलीस ठाण्यात झाली आहे.
याबाबत पोलिसांनी दिलेली माहिती अशी, दि. 24 रोजी सकाळी सुमन विठ्ठल लोटेकर (वय 65 रा. कुस बुद्रूक, पो. बनगर, ता. सातारा) ही महिला मॉर्निंग वॉकला गेली होती. यावेळी गावच्या हद्दीतील उरमोडी नदीच्या पुलावरुन जात असताना तिचा पाय घसरुन ती नदीला आलेल्या पुराच्या पाण्यात वाहून गेली. सायंकाळी 7.30 वाजण्याच्या सुमारास या महिलेचा मृतदेह बनगर गावच्या हद्दीतील मारुती मंदिराच्या पाठीमागे नदीमध्ये आढळून आला.
