ऑनलाईन टीम / मुंबई :
महाराष्ट्रात दिवसेंदिवस कोरोनाचा संसर्ग वेगाने वाढत आहे. बॉलीवुड अभिनेता रणबीर कपूर, निर्माते संजय लीला भन्साळी नंतर आता मराठी चित्रपटातील सुपरहिट जोडी म्हणजेच अभिनेता उमेश कामत आणि प्रिया बापट यांना कोरोनाची लागण झाली आहे. स्वतः उमेश कामात याने सोशल मीडियावर पोस्ट लिहिती या संदर्भातील माहिती चाहत्यांना दिली.
तो आपल्या पोस्टमध्ये म्हणाला की, ‘दुर्दैवाने माझी आणि प्रियाची कोरोना चाचणी पॉझिटीव्ह आली आहे. सध्या आम्ही घरात सेल्फ क्वारंटाईन आहोत. आवश्यक ती औषधे घेत आहोत आणि सावधगिरी देखील बाळगत आहोत. सगळ्या नियमांचेही पालन करत आहोत. मागील आठवड्यात जे कुणीही आमच्या संपर्कात आले असतील, त्यांनी देखील कोव्हिड चाचणी करुन घ्यावी किंवा स्वत:ला आयसोलेट करावे.’ असे आवाहन देखील केले आहे.
दरम्यान, उमेश आणि प्रिया सध्या त्यांच्या आगामी वेब सीरीजच्या चित्रीकरणात व्यस्त होते. तर, त्यांच्या ‘दादा एक गुड न्यूज आहे’ या नाटकाचे प्रयोग देखील नुकतेच सुरु झाले होते. या जोडप्याने 2011 मध्ये लग्न गाठ बांधली होती आणि त्यांनी ‘टाईम प्लीज’ या मराठी चित्रपटात एकत्र काम केले आहे.
