सावंतवाडी /प्रतिनिधी-
सावंतवाडी तालुक्यातील महसूल विभागात उत्कृष्ट काम केलेल्या अधिकारी कर्मचाऱ्यांचा विशेष गौरव जिल्हाधिकारी के मंजू लक्ष्मी यांच्या हस्ते करण्यात आला आहे. सावंतवाडी तहसीलदार कार्यालयातील नायब तहसीलदार प्रदीप पवार यांचा जिल्हाधिकारी के मंजूलक्ष्मी यांनी प्रमाणपत्र देऊन गौरव केला. सावंतवाडी नायब तहसीलदार पवार हे गेली दोन वर्षाहून अधिक काळ तहसीलदार कार्यालयात चांगले काम करत आहेत. त्याने कोरोना तसेच निवडणूक कालावधीतही चांगले काम केले आहे. त्याचबरोबर सावंतवाडी तहसीलदार कार्यालयातील शिपाई गोविंद कुंणकेरकर, सावंतवाडी ग्रामीण तलाठी व्हीएस कोद, प्रांत कार्यालयातील अव्वल कारकून निशा पवार , दणोली कोतवाल काशिराम जाधव यांचा विशेष कामगिरीबद्दल गौरव करण्यात आला आहे.
